Pahayag ng Pagsuporta Ng Urban Poor Alliance (UP-All) Mega Manila sa Protect Manicani Island, Inc. (PROMISI)
Kaisa ng PROMISI ang Urban Poor Alliance–Mega Manila (UP-ALL Mega Manila), isang alyansa ng mga people’s organizations at NGOs na nagsusulong ng reporma sa sektor ng pabahay para sa mga maralitang tagalungsod, sa panawagang hindi dapat i-renew ng Department of Environment and Natural Resources (DENR) ang panibagong aplikasyon para sa 25-taóng Mineral Production Sharing Agreement (MPSA) ng Hinatuan Mining Corporation (HMC).
Naniniwala kaming mapanganib para sa isang maliit na islang tulad ng Manicani ang pagmimina, at nakita na natin sa mga nakalipas na panahon, noong operational pa ang mga minahan sa isla, ang matinding epekto ng pagmimina sa kapaligiran ng isla at sa ugnayan ng mga magkakapamilya.
Naniniwala rin kaming ihihiwalay ng pagmimina ang mga tao sa kanilang pangunahing kabuhayan. Aagawin ng minahan ang mga lupang tinataniman ng mga magsasaka, at dudumihan nito ang karagatang pinapangisdaan ng mga taga-Manicani. At sa pagkawala ng kanilang kabuhayan, gutom at kahirapan ang daranasin ng mga taga- Manicani. Hindi pa sila lubusang nakababangon mula sa iniwang pinsala ng Super Bagyong Yolanda; nawa’y hindi na madagdagan pa ang kanilang paghihirap ng panibagong banta ng pagmimina.
Hindi maitatangging maraming likas-yaman ang Pilipinas, ngunit ang paglinang sa mga ito ay hindi dapat magdulot ng pinsala sa kapaligiran at sa buhay mga tao. Tungkulin ng lahat na pangalagaan ang mga biyayang ipinagkaloob sa atin ng Poong Lumikha, at tinutupad ito ng mga kasapi ng PROMISI, alang-alang sa kasalukuyan at susunod pang henerasyon sa Manicani. Nawa’y gampanan din ng pamahalaan, sa pangunguna ng DENR, ang tungkuling ito sa pamamagitan ng pagtiyak na hindi na muling masisira ng pagmimina ang isla ng Manicani.
Cipriano “Ka Ping” Fampulme
Regional Convenor UP-ALL Mega Manila
Ika-21 ng Nobyembre 2017
JOSE MORALES Ugnayang Lakas ng mga Apektadong Pamilya sa Baybaying Ilog Pasig (ULAP) – Quezon City |
ZACARIAS ASUNCION Luzon CMP PO Network |
CLAIRE FAJARDO Ugnayang Lakas ng mga Apektadong Pamilya sa Baybaying Ilog Pasig (ULAP) – Manila |
OFELIA BAGOTLO Homeless People’s Federation of the Philippines, Inc. |
EVANGELINE SERRANO Ugnayang Lakas ng mga Apektadong Pamilya sa Baybaying Ilog Pasig (ULAP) – Montalban |
PRESCILDA JUANICH Nagkakaisang Lakas ng Maralitang Navoteño Federation |
BELLA DELA ROSA Ugnayang Lakas ng mga Apektadong Pamilya sa Baybaying Ilog Pasig (ULAP) –Taytay |
CARLOS DIAZ Alyansa ng mga Mamamayang May Integridad ng Malabon (AIMM) |
JEORGIE TENOLETE
Kabalikat sa Kaunlaran ng Baseco (KABALIKAT) |
Kasama ang mga NGOs:
- Community Organizers Multiversity (COM)
- Foundation for the Development of the Urban Poor (FDUP)
- John J. Carroll Institute on Church and Social Issues (JJCICSI)
- People’s Alternative Study Center for Research and Education in Social Development (PASCRES)
- Urban Poor Associates (UPA)